صفحة بال مون على الموقع التواصل الاجتماعي فيسبوك

-







من يقول ما فيه حل للمتصلعات؟؟ بلاش احباط ..تجربتي من فراغات قاتله لشعر طبيعي !
ركن العناية بالشعر




المنتدى | upload|books-computer games-software| Palmoon Market| games ركن العناية بالشعر|الأرشيف|الرئيسية








من يقول ما فيه حل للمتصلعات؟؟ بلاش احباط ..تجربتي من فراغات قاتله لشعر طبيعي !



تكفون بنات ابي زيت يفرد الشعر - من يقول ما فيه حل للمتصلعات؟؟ بلاش احباط ..تجربتي من فراغات قاتله لشعر طبيعي ! - اللي جربت خلطة زيوت حور اللي فيها الاس والكافور ......الخ تدخل الله يرضى عليكم
ركن العناية بالشعر|الأرشيف|الرئيسية


السلام عليكم بنات


كنت متفرجه صامته على المنتدى قليله المرور لكن كثر الاحباط اللي يحسون فيه البنات من فراغات الشعر والتحطيم اللي يمارسونه البعض هو اللي خلاني اخرج عن صمتي <<<<<<<< ما بغيتي

انا متصلعه سابقه طبيعيه حاليا ولله الحمد واللي تبي تجربتي تستوعب كلامي عدل ويفضل تنسخه وتحفظه عندها لانه اخذ مجهود مني علشان اصففه واطلعه بصوره وافيه ومحلله كل من نقلت موضوعي

علشان اختصر الكلام فيه طريقتين وحده للمتوسطات الدخل ووحده للمقتدرات ماليا <<<<<< ومصنفتهم بعد

الاولي عيوبها انها طويييييله الامد والثانيه اسرع وافضل واضمن بس هاه اذا انتي صبوره بتنفعك اما اذا انتي عجازه فلا تكملين الموضوع!

الطريقه الاولي

انا مثل اغلب المتصلعات خلطت خلطات اشكال والوان وما خليت دهن ما حطيته براسي وما خليت امبوله ما جربتها ولا دكتور ما جيته ولا علاج ما جربته والنتيجه للاسف صفرررر

لكن لا يأس مع الحياه سويت طريقه خاصه فيني ومشيت عليها ونسيت اصلا اني متوقعه نتائج منها صارت روتين لحياتي وبعد سنه ونص لاحظت ان شعري مو شعري الاولاني وانه بدا يصير له كيان هههههه حلوه كيان وهي كالتالي

زيت دابر فاتيكا الاخضر وامبولات فيتشي النسائيه مع ان الدكتور قال لي ان الرجاليه احسن بس ما حبيت ريحتها صج رجاليه

صوره دابر فاتيكا لقيتها بالنت عليها اسم الاخت اللي منزله الصوره جزاهاالله خير

http://romancemoon.net/get.php?u=aHR0cDovL2ltZzE3LmltYWdlc2hhY2sudXMvaW1nMTcvMzA2MS9waG8uanBn


امبولات فيتشي قيمتها بحدود اخر مره يوم شريتها 16 دينار يعني 200 ريال وتكفي شهر او اكثر

http://romancemoon.net/get.php?u=aHR0cDovL3d3dy5iZWF1dHltZS5jb20vaGFpci92aWNoeTItMjAwNWIuanBn

كنت ادهن شعري بدابر فاتيكا مره مرتين ثلاث مرات اسبوعيا حسب قدرتي ومزاجي وخليه قد ما اقدر نص ساعه ساعه ....... واغسله بشامبو فاست لتساقط الشعر هذا مو شرط بعد لاني ما لاحظت فيه زود او فرق اللهم انه كان حلو بالغسيل يعني ممكن تستخدمين شامبو خفيف للشعر الاحمر مثلا او جوونسون كيفج واستخدمي بعده اي نوع حمام زيت مشهور ومعروف مثلا مودينا بنخاع الثور او فاشول بانواعه بس انتبهي يجي الجذور ولما اتحمم و اطلع امسح شعري بنقطه دابر فاتكيا ( ترا ريحته عاديه )

و كل ليله احط نص امبول فيتشي على شعري كنت مستخسره احط امبول كامل كان شعري طايح من عيني وادلكه خفيف واخليه انا امبولات فيتشي ناسبتني شلون يعني ناسبتني ؟؟ يعني شعري ما يدهن عليها وهي امبولات مو دهنيه كان همي ان الامبولات ما تكون دهنيه علشان لا امل منها ... بس ممكن اللي ناسبني ما يناسبج جربي نوع تفضلينه ........المهم

وبين مده ومده احني شعري بمنقوع البصل والثوم وطريقته للي ما يعرفونه كنت اغلي بصله و3 فصوص ثوم واخلط الماي بالحنا واهو ساخن واحط ملعقه شاي صغيره كثيرا مطحوونه ,,,, واخليه قد ما اقدر على شعري وممكن تحطين مع الماي وقت الغلي شاي ورق علشان لون الحنا يصير حلو ,,,

بعد سنه ونص تقريبا صار شعري ما اقول كثيف بس مو متصلع يعني ينقال عنه خفيف بس مو متصلع بس يبي لها الاستمرار وعلى فكره هالطريقه مو مقيده بالمره لانك مو مجبوره تمشين على نظام معين يكفي تخلين الدهن بالحمام وتحطينه متى ما شفتيه والامبوله على التسريحه تحطين نصها بالليل ونصها بكره

الطريقه الثانيه وهي مكلفه كلفتني تقريبا بحدود الف دينار كويتي ما يعادل 12 او 13 الف ريال

راجعت طبيب متخصص بالشعر ومشيت على كورس والنتايج روعه وبدا شعري يكثف بشكل ملحوظ واذا استمر الوضع بهالشكل راح يصير شعري ان شاء الله حلو وشبه كثيف لان الشعر بدا يطلع بشكل واضح ومشجع وشعر قوي ومتين مو ضعيف وعلى حسب كلام الدكتور الشعر اللي طلع ما راح يطيح والنتيجه تعتمد على المثابره والمتابعه للعلاج

وهي تعتمد على ثلاث انورع من العلاج مع بعض

1: ابر الميزوثربي>>>>>>>> رغم اني جربته سابقا الا انه هالمره غير على كلام الدكتور انه تطور اكثر من قبل بكثير وهو كوس مره بالاسبوع لمده شهرين يعني 8 مرات صحيح انها مؤلمه بس الصبر مفتاح الفرج

2: الليزر وهو جهاز مثل جهاز حمام الزيت مدته نص ساعه مرتين بالاسبوع ويمكنك طلب مشط الليزر واستخدامه نتيجته ابطأ بس تنفع

3: دوا رفافوجين وينحط منه 2 ملي مرتين صبح وليل عيبه انه دبق ودهني ويحسسك ان شعرك مو نظيف بس النتيجه والله تسوا والنتائج على حسب كلام الدكتور بتكون سريعه لانها مترافقه مع الميزوثربي والليزر لكن لو بروحه يحتاج الي سنه علشان تبين النتيجه وتكون النتيجه دائمه بس تحتاجين تستعملينه مرتين اسبوعيا يعني بعد السنه بتسهل الامور انا بينت النتيجه بعد 3 شهور والشعر الجديد يا حلاته يهبل وانتبهو النتيجه مو سريعه يعني لا ياخذكم الاحباط

الريفافوجين قيمته بالكويت 50 دينار ويكفي 3 شهر او اقل يعني تقريبا 650ريال

http://romancemoon.net/get.php?u=aHR0cDovL2hhaXJsb3NzdWsubmV0L2ltYWdlcy9yZXZpdm9nZW4uanBn

الريفافوجين يعمل على مكافحه عمل الهرمون الذكري المتسبب بالتساقط ميزته ان الشعر اللي نما ما يتساقط بعد تركه بس المداومه عليه بمعدل مرتين اسبوعيا تكفي للحفاظ على الشعر

الغريب ان شعري لايزال يتساقط وهالكلام مبلغني فيه الطبيب قبل بداية العلاج وشرحلي الوضع ان الشعر الجديد راح يدفع الشعر الضعيف للتساقط فيما يشبه سقوط الاسنان اللبنيه لما ينمو السن الدائم <<<<< خووش شرح ههههه وقال لي ان الشعر راح يتوقف عن التساقط في مرحله غير محدده

الحين لي اربع شهور من بديت العلاج طال شعري من اخر الكتف للخصر بعني شبر تقريبا والشعر الجديد ( اول دفعه ) تقريبا طوله 2 انش وفي دفعات جديده صغيره تحتاج للمتابعه علشان تنمو (يا حلاتهم عيالي الصغار هههههههه الفراغات تغطت وصارت من الماضي وما عاد فيه لمعه للجلده مثل قبل ولو ان الشعر لا زال في بداياته بس النتيجه مبشره بالخير وبالنسبه لي نعمه وحلم ما كنت احلم فيه والشعره صارت سميكه ولامعه وكلها حياه

بمرافقه العلاج للحين احني بمعدل مره بالاسبوع واستعمل خلطه دهونات وناويه اكمل الكورس للاخر


ملاحظات انتبهي لها

1: لا تقنطي من رحمه الله .
2:لا تتحممين بالماي الحار ابدااا لانه يفتح المسامات ويزيد التساقط ويفضل اذا قدرتي تغسلينه على طريقة جداتنا بدون دش بسطل وتتغرفين وتغسلين بعد اذابه الشامبو بالماي وتبليل الشعر .
3: لا تمشطين شعرك ابداا والجلده مبلوله انطري ربع ساعه بعد الحمام ومشطي .
4: لا تخلين حمام الزيت يوصل للجلده لانه يزيد التساقط .
5:قطي اطراف شعرك بشكل بسيط كافي مره بالشهر ولا تفرطين باي شعره .
6:لمي شعرج قد ما تقدرين لان تركه بدون عنايه يؤدي لتعرضه للشد والتساقط .
7:ملاحظه اخيره انا سويت تمليس كراتين مع ان شعري ناعم بس ينفش سويته عند مركز ثقه بالكويت عندنا وحسن من شكل شعري وصار شكل الشعر اسمك وهالشي عطا ايحاء ان شعري اكثف.



وتوني باديه بخلطه هذا رابطها واستأذنت الدكتور وقال لي استعمليها

http://romancemoon.net/get.php?u=aHR0cDovL2ZvcnVtLmhhd2Fhd29ybGQuY29tL3Nob3d0aHJlYWQucGhwP3Q9MTU0MjM2OA==


مع تمنياتي لكم بشعر صحي بدون فراغات وتصلع

واي استفسار انا حاضره

ودمتم بود






تكفون بنات ابي زيت يفرد الشعر - من يقول ما فيه حل للمتصلعات؟؟ بلاش احباط ..تجربتي من فراغات قاتله لشعر طبيعي ! - اللي جربت خلطة زيوت حور اللي فيها الاس والكافور ......الخ تدخل الله يرضى عليكم
ركن العناية بالشعر|الأرشيف|الرئيسية


-----






--





palmoon tool bar
privacy policy